2024 жылғы 29 қараша күні Алтай ауданында Шығыс Қазақстан лингвистикалық орталығының бастамасымен, "Алтай ауданы әкімдігінің Тілдерді оқыту орталығы" КММ ұйымдастыруымен "Мемлекеттік тіл – мәңгілік ел тұғыры: тәжірбие алаңы және озық әдістер"тақырыбында облыстық семинар өткізілді. Семинарға Шығыс Қазақстан лингвистикалық орталығының директоры А. Абзалова, Алтай ауданы әкімінің орынбасары Ж. Асқарова, мәслихат төрағасы Л.Гречушникова және қалалық, аудандық тілдерді оқыту орталықтарының директорлары мен оқытушылары қатысты.Семинар барысында "Тиімді әдіс-тәсілдері -сапалы сабақ кепілі" коучингі, "Ересек тұрғындарға қазақ тілін оқытуда озық әдіс-тәсілдерді қолдану" шеберлік сыныбы көрсетіліп, "Мемлекеттік тілді меңгерудің инновациялық аспектілері" атты өткен республикалық семинар бойынша ақпаратпен бөлісу жұмыстары жүргізілді. Сонымен қатар, қазақша куиз ойыны қызықты өтті. Соңында қатысушыларға сертификаттар табыс етілді.