Жаңалықтар

2023 жылғы 15 мамыр күні Шығыс Қазақстан облысы мәдениет басқармасының Шығыс Қазақстан лингвистикалық орталығының ұйымдастыруымен ересектерге мемлекеттік тілді оқытып жүрген оқытушылар арасында облыстық байқау өткізілді.
Бұл байқаудың мақсаты - ұлт ұстазы Ахмет Байтұрсынұлының әдістемелік еңбектерін зерделеу арқылы оның оқытуға қатысты тиімді әдіс-тәсілдерін қолдану, оқытушыларының кәсіби беделі мен қоғамдағы мәртебесін арттыру, әдістемелік шеберлігін анықтау, тәжірибе алмасу арқылы оқытудың үздік тәсілдерін насихаттау болып табылады. Байқауға облыстағы тілдерді оқыту орталықтарының оқытушылары қатысты.
Байқау 3 кезеңнен тұрды.
1-ші кезеңде оқытушылар өзін және авторлық бағдарламасын таныстырды.
2-ші кезеңде оқыту технологиялары мен инновациялық әдіс-тәсілдерді көрсетті.
3-ші кезеңде оқытушы тіл үйренушілерге сөйлеу әрекетінің тапсырмаларын орындады.
Байқаудың қорытындысы бойынша Бас жүлдені – Риддер қаласының тілдерді оқыту орталығының директоры және оқытушысы Садықова Құралай Кәукенқызы, І-ші орынды Шығыс Қазақстан лингвистикалық орталығының оқытушы - тренері Қайдарова Ләззат Әскербекқызы, ІІ-ші орынды - Ұлан ауданының тілдерді оқыту орталығының оқытушысы Байгереева Әния Уәлиқызы, ІІІ-орынды Катонқарағай ауданының мемлекеттік және басқа тілдерді оқыту орталығының оқытушысы Карабалинова Индира Асқарқызы иеленді.
Барлық қатысушыларды құттықтаймыз!