Жаңалықтар

2024 жылғы​ 4 мамыр күні Глубокое кенті «Абай» атындағы Мәдениет үйінде Шығыс Қазақстан​ облысының мәдениет басқармасының Шығыс Қазақстан​ лингвистикалық орталығының бастамасымен және​ Глубокое ​ ауданының тілдерді​ ​ оқыту​ орталығының​ ​ ​ ұйымдастыруымен​ ​ "Мемлекеттік тілді оқыту үрдісіндегі заманауи технологиялардың тиімділігі" тақырыбында ересектерді мемлекеттік тілде оқытуда айтылым дағдысын жетілдіру бойынша әдіс-тәсілдерімен тәжірибе алмасу мақсатында​ облыстық семинар өтті. Семинарды кіріспе сөзбен Глубокое аудандық мәдениет және тілдерді дамыту бөлімінің басшысы М.Дәрменқұлов ​ ашты. Сонымен​ қатар, аталған семинарға​ Шығыс Қазақстан​ облысының​ мәдениет басқармасының Шығыс Қазақстан​ лингвистикалық орталығының​ директоры​ А.Абзалова​ қатысты.​ Семинар барысында облыстық, қалалық, аудандық тілдерді оқыту орталықтарының оқытушылары айтылым дағдысы бойынша сабақ үлгілерін көрсетіп, өзара тәжірибе- пікірлерімен ​ алмасты.
А.Жүнісқан Алтай қаласының тілдерді оқыту орталығының оқытушысы «Қазақ тілі сабақтарында айтылым дағдысын дамытуға арналған оқытудың интерактивті әдістерін қолдану» А1 деңгей;
А.К.Сулейменова Катонқарағай ауданының мемлекеттік және басқа тілдерді оқыту орталығының басшысы «Айтылым дағдысын дамытуға болатын әдістер» В1,В2 деңгей;
Б.Елсінбек Ұлан ауданының тілдерді оқыту орталығының оқытушысы «Айтылым дағдысының белсенді стратегияларын дамыту әдістері» А1 деңгей;
Л.Т.Иксанова Шемонаиха ауданының мемлекеттік және басқа тілдерді оқыту орталығының оқытушысы «Қазақ тілін үйретуде айтылым стратегияларын тиімді қолдану жолдары». А1 деңгей;
Г.М.Мырзагулова Глубокое​ ауданының тілдерді​ ​ оқыту​ орталығының​ ​ ​ оқытушысы «Сабақ барысында айтылым​ дағдысын қалыптастыруға бағытталған әдіс-тәсілдер».
Шығыс Қазақстан​ лингвисткалық​ орталығының оқытушы​ - тренері​ Л.Кайдарова​ «Ұлтқа​ қызмет ету -​ білімнен емес,​ мінезден» атты В2 деңгейіне​ арналған ​ сабағын​ көрсетіп, ​ ​ іс​ тәжірибесімен ​ ​ бөлісті.​ ​
Семинар​ соңында Глубокое​ аудандық мәдениет және​ тілдерді​ дамыту​ бөлімінің басшысы​ М.Дәрменқұлов​ қатысушыларға​ арнайы​ сертификаттар​ табыс​ етті.Тілдерді​ оқыту​ орталығының​ директоры​ Ж.Идрышева​ Шығыс Қазақстан​ лингвистикалық орталығы​ атынан Алғысхатпен марапатталды.